नेकपाका अन्य नेताले रुकुम र जनार्दनबाट केही सिक्ने की ?

काठमाडाैँ,जनता र पार्टी कार्यकर्तालाई राजनीतिसँगै दैनिक जीविकासँग जोड्ने आर्थिक समृद्धि र सामाजिक रूपान्तरणको अभियान यतिखेर रुकुम पश्चिममा देखिएको छ । जिल्लास्थित छरपष्ट सहकारीलाई सुदृढ र जागृत गराउँदै किसानको हितमा लगाउने दीर्घकालीन अभियानअन्तर्गत नेकपा खटिएको हो । विशेष गरी नेकपाको पहलमा जिल्लाका कृषकलाई सहुलियत ब्याजदरमा ऋण उपलब्ध गराउने गरी कार्यक्रम सञ्चालन गरिएको बताइन्छ ।

संघीय सांसद तथा पूर्वमन्त्री जनार्दन शर्माको योजना, निर्देशन र सक्रियतामा उक्त अभियान शुरु भएको हो । उनले यसबीच विभिन्न बैंक तथा वित्तीय संस्थालाई सहुलियत ब्याजदरमा किसानलाई ऋण उपलब्ध गराउन आवश्यक पहल गर्दै एमओयुको चरणमा पु¥याएका छन् ।
यस अभियानको लागि चौरजहारी नगरपालिकामा कर्णाली प्रदेश सांसदसमेत रहेका नेकपा जिल्ला अध्यक्ष गोपाल शर्मा खटिएका छन् भने मुसिकोट नगरपालिकामा पार्टीसचिव विमल पुनको कमाण्ड । आठबिसकोट नगरपालिकामा केन्द्रीय सदस्य जिल्ला सह इञ्चार्ज वसन्तकुमार शर्मा खटिएका छन् भने त्रिवेणी गाउँपालिकामा जिल्ला समन्वय समिति प्रमुख राजकुमार शर्माले जिम्मेवारी पाएका छन् ।
त्यसैगरी बाँफिकोट गाउँपालिकामा कर्णाली प्रदेश सदस्य महेन्द्र केसीले कमाण्ड गरेका छन् भने सानीभेरी गाउँपालिकामा केन्द्रीय सदस्य शेरबहादुर केसी हर्ताकर्ता छन् । झण्डै तीन दशकअघि विद्यालयको प्रधानाध्यापक रहेका केसी पेन्सन हुन केही महिना बाँकी छँदै तत्कालीन महासचिव मदन भण्डारीको राजनीतिक लाइनको पूर्ण समर्थन गर्दै राजीनामा दिएर पूर्णकालीन राजनीतिमा होमिएका थिए ।

यस अभियानअन्तर्गत जनार्दन शर्माले विभिन्न ६ वटा बैंकबाट जिल्लाका ६ वटा पालिकासँग सम्झौता हुने वातावरण मिलाइदिएका छन् । प्राप्त जानकारीअनुसार यसै आर्थिक वर्ष ती बैंकले कृषकहरूको लागि करिब ६ अर्ब लगानी गर्नेछन् । लगानी फलफूल खेती, मसलाबाली, नगदेबाली, अन्नबाली, मासु तथा दुग्ध उत्पादनमा हुनेछ । लगानीको लागि मुसिकोटमा कृषि विकास बैंक, चौरजहारीमा राष्ट्रिय वाणिज्य बैंक, आठबिसकोटमा सेञ्चुरी बैंक, सानीभेरी गाउँपालिकामा सनराइज बैंकले सम्झौता गर्नेछन् । त्यसैगरी त्रिवेणी गाउँपालिकामा लक्ष्मी बैंक र बाँफिकोट गाउँपालिकामा ग्लोबल बैंक अग्रसर हुने । एक किसानलाई दुई लाख लगानी गरिनेछ भने उक्त कार्य सफल पार्नको लागि दश घरधुरी बराबर एक सहकार्य समूह बनाइनेछ ।

पार्टी एकतापश्चात् तत्कालीन एमाले तथा एमाओवादी दुवै तर्फको जिम्मेवारीमा नरहेका पुराना कार्यकर्तालाई सहकारी तथा कृषक अभियानमा जोड्ने काम जोडतोडसाथ भइरहेको छ । नमुना कृषि र कृषक बनाउने अभियानअन्तर्गत ड्रागन फ्रुट, किवी, ओखर र भुइँ स्याउको व्यावसायिक खेतीतर्फ आवश्यक पहल भइरहेको छ ।

पछिल्लो चरणमा किसानको संख्या बढेको छ भने जिल्लामा उत्पादित कृषि उपजहरूको लागि जिल्ला सदरमुकामको साथै दाङ, नेपालगञ्ज, बुटवल र राजधानी काठमाडौंसम्म बजारिकरण भइरहेको बताइन्छ । रुकुम पश्चिम विशेषगरी तरकारीको बीउ, बेसार खेतीको लागि पहिलेदेखि नै प्रख्यात छ । यहाँको मह पनि सबैले रुचाउने गरेको पाइन्छ । पहिले थोरै परिमाणको घ्यू बेच्न पनि सदरमुकाम नै पुग्नुपर्ने किसानको गाउँ गाउँमा दुग्ध डेरी स्थापना भएको छ । दुग्ध पदार्थ उत्पादन यसबीच निकै बढेको छ । घिउको सट्टा दूध बेच्न थालेपछि साना किसानको नियमित आम्दानीको स्रोत देखिन थालेको छ । जन आस्थामा खवर छ ।

- Advertisement -

LEAVE A REPLY

Please enter your comment!
Please enter your name here

- Advertisement -

भर्खरै

क्रिकेटर सन्दीप लामिछानेलाई कोरोना संक्रमण

काठमाडाैँ,क्रिकेटर सन्दीप लामिछानेलाई कोरोना संक्रमण पुष्टी भएको छ। शनिबार बिहान सन्दीपले आफूलाई कोरोना संक्रमण पुष्टि भएको जानकारी दिएका हुन्। सामाजिक सञ्जाल मार्फत् उनले यो...

रुकुम पश्चिममा जन्ती बोकेको जीप दुर्घटना, ४ जनाको मृत्यु

रुकुम पश्चिम,जन्ती बोकेको जीप कच्ची सडकमा दुर्घटना हुँदा रुकुम पश्चिम आठबीसकोट नगरपालिका–७ पोखरामा चार जनाको मृत्यु भएको छ। आठबीसकोट–२ घारीखोलाबाट जन्ती लिएर आठबीसकोट–८ दाँजेतर्फ जाँदै...

सोती घटनाका अभियुक्तलाइ १ लाख धरौटीमा छोड्न अदालतकाे आदेश

रुकुम पश्चिम,उच्च अदालत सुर्खेतले रुकुम पश्चिमको चौरजहारी नगरपालिका–८ सोतीमा नवराज विकसहित छ जनाको ज्यान जाने गरी भएको घटनाका अभियुक्तमध्येका पाँच जनासँग जनही रु एक÷एक...

१ करोडमा नागढुंगा-कलंकी सडकखण्डमा सिसी क्यामरा जडान

काठमाडाैँ,नागढुंगा-कलंकी सडकखण्ड अन्तर्गत जडान गरिएको सिसी क्यामरा प्रहरीलाई हस्तान्तरण गरिएको छ। चन्द्रागिरि नगरपालिकाको आर्थिक सहयोगमा जडान भएका उच्च प्रविधिका सिसी क्यामराको आज उद्घाटन गरी...
- Advertisement -

यो पनि पढौँ

- Advertisement -