रोल्पामा चट्याङ लागेर वडा सदस्यको ज्यान

रोल्पा,  चट्याङ लागेर रोल्पामा वडा सदस्यको ज्यान गएको छ । गए राति चट्याङ लागेर सुनछहरी गाउँपालिका–३ कुइपाधाराका वडा सदस्य ४९ वर्षीय दिलबहादुर घर्तीमगरको ज्यान गएको जिल्ला प्रहरी कार्यालयले जनाएको छ ।

उहाँ आफ्नो कान्छो भाइको घरमा सुतेको बेला चट्याङ लागेको प्रहरी कार्यालयका सूचना अधिकारी प्रकाश भुसालले जानकारी दिनुभयो ।

चट्याङमा परि अन्य ठाउँका केही व्यक्ति पनि घाइते भएकाले त्यस ठाउँतर्फ प्रहरी जाँदै गरेको उहाँले बताउनुभयो ।