काठमाडौँ,ललितपुरको महालक्ष्मी नगरपालिका–३ इमाडोलस्थित ओचुहाइटमा बस्ने आमा र उनका दुईजना बच्चाको मृत्यु भएको छ । ओचुहाइटमा बस्ने रविना महर्जन घरको तिन तलाबाट हाम्फालेपछि प्रहरीले उद्धार गरेको थियो । तर, उपचारको क्रममा उनको किष्ट अस्पतालमा मृत्यु भएको प्रहरीले बताएकाे छ ।
रविनालाई उद्धार गर्न जाँदा उनका ६ वर्षीय छोरा अश्वेत महर्जन र दुई वर्षीया छोरी अचेत अवस्थामा भेटिए । उनीहरुलाई पनि उद्धार गरेर अस्पताल ल्याएको र उपचारको क्रममा दुई नाबालकको किष्ट अस्पतालमा मृत्यु भएको प्रहरीकाे भनाइ छ। घटनाबारे प्रहरीले अनुसन्धान गरिरहेको छ ।
