काठमाडाैँ, पार्टीको १४औँ महाधिवेशन र समसामयिक राजनीतिक विषयमा छलफल गर्न कांग्रेसले पदाधिकारी तथा पूर्वपदाधिकारीको बैठक बोलाएको छ । सभापति शेरबहादुर देउवाले आइतबार दिउँसो २ बजेका लागि आफ्नै निवास बुढानीलकण्ठमा बैठक बोलाएका छन् ।
पार्टीको १४औँ महाधिवेशनको तयारीका विषयमा बैठक केन्द्रित हुने सहमहामन्त्री डा. प्रकाशशरण महतले जानकारी दिए । आजको बैठकले सोमबार बस्ने केन्द्रीय समितिको बैठकका लागि साझा प्रस्ताव र धारणा तयार गर्ने नेताहरूले बताएका छन् ।बैठकमा राष्ट्रिय सभाको उपनिर्वाचन, केन्द्र र प्रदेशको सत्तासमीकरणलगायत विषयमा समेत छलफल हुनेछ ।
