उपल्लाे डाेल्पाकाे धाे तरापमा पुग्याे रेफ्रिजिरेटर र २ हजार मध्ये ६ सय १७ डाेज भ्याक्सीन,अन्य गाउँपालिका पनि चाडैँ पुग्दै ।

धोतराप डाेल्पा, डोल्पो जनजाति विकास केन्द्रका अध्यक्ष  ग्याल्पो भोटेको पहलमा उपल्लो डोल्पाको तीन पालिकाका लागि स्वास्थ्य विभागबाट हिमाली जिल्लामा भेरोसेल दिने नितिगत निर्णय बमोजिम २००० कोभिडको भेरोसेल भ्याक्सिन प्राप्त भएको छ । जसमध्ये भिजन डोल्पोको आर्थिक सहायोगमा हेलिकप्टरबाट ढुवानी गरेर ६१७ डाेज डोल्पोबुद्ध गाउँपालिकाको केन्द्र धोमा साेमबार पुगेकाे जनजाति विकास केन्द्रका अध्यक्ष भोटेले जानकारी दिए ।

साथै हेलिकप्टरबाट नोम्याट क्लिनिकको सहायोगमा ४ लाखमा किनेको रेफ्रिजिरेटर पनि धो स्वास्थ्य चौकिमा पुर्याएको अध्यक्ष भोटेले बताए । यो रेफ्रिजिरेटरले बाह्रै महिना अब डोल्पोबुद्धमा कोभिड भ्याक्सिन लगायत अन्य भ्याक्सिन स्टोर गर्ने व्यवस्था मिलेकाे छ ।

धेरै लाेड भएका कारण हेलिकप्टरमा छार्काताङसोङ गाउँपालिकाले किनेको रेफ्रिजिरेटर कठामाडौं मै रहेको छ । अब अर्काे हेलिकप्टरमा पठाउने योजना रहेको भएको छ। छार्काताङसोङ र शे फोक्सुण्डो गाउँपालिकाको लागि भेरोसेलको कोभिड १९ भ्याक्सिन पनि गाउँपालिका र भेक्सिनेटरहरु सगंको समन्वयमा छिट्टै गाउँपालिकाकाे केन्द्रमा ढुवानी गर्ने पनि अध्यक्ष भोटेले बताए ।

भेरोसेलको भ्याक्सिन २५ बर्ष भन्दा माथिको सबै नागरिकलाई छिट्टै लगाउने योजना रहेको र यसले स्वास्थ्यको सुविधा न्यून रहेको उपल्लो डोल्पाको दुर्गम पालिकाको लागि ठुलो रहात मिल्ने अध्यक्ष भोटेले बताए । भिजन डोल्पोको सहयोगमा आज छार्का ताङसोङ गापाको केन्द्रमा एक थान अक्सिजन कन्सेनटेटर, औषधिहरु पनि हेलिकप्टरबाट पठाएकाे छ ।