दमौली, नेपाली कांग्रेसका वरिष्ठ नेता रामचन्द्र पौडेलले स्थानीय तह निर्वाचन अन्तर्गत तनहुँको व्यास नगरपालिका–२ स्थित सत्यवती मावि मतदान केन्द्रबाट मतदान गरेका छन्।मतदान पछि सञ्चारकर्मीसँग कुरा गर्दै उनले संघीयताबाट नै देशको विकास र उन्नति सम्भव रहेको बताए।
उनले भने, ‘संघीयता विकासका लागि फलदायी भएको छ। स्थानीय तहले विकासको खाका कोरेको छ, सङ्घीयता सफल हुँदैछ र सङ्घीयताबाट देशको विकास र उन्नति सम्भव छ।’वरिष्ठ नेता पौडेलले नेपालको चौतर्फी विकासका लागि स्थानीय तहले सहयोग पुग्ने धारणा राखे।