काठमाडौं, डोल्पामा ट्याक्टर दुर्घटना हुँदा एकको मृत्यु भएको छ । मंगलबार डोल्पाको ठूलिभेरी नगरपालिका–५ कोरेआरुमा लु ४ त ६७०३ नंबरको ट्रयाक्टर दुर्घटना हुँदा एकको मृत्यु भएको हो ।
प्रहरीका अनुसार मृत्यु हुनेमा रुकुम पूर्व सिस्ने गाउँपालिका–४ का २४ वर्षीय शेर बहादुर केसी रहेका छन् । उनको घटनास्थलमै मृत्यु भएको प्रहरीले जनाएको छ ।प्रहरीले जानकारी गराए अनुसार जुफालबाट ठूलिभेरी नगरपालिका–६ मा बिजुलीका पोल लिएर जाने क्रममा कोरेआरुमा ट्याक्टर दुर्घटना भएको हो ।