घेरा हालेर दुई प्रहरीको हत्या गरिएकाे खुलाशा

धनगढी, कैलालीको जुगेडा अस्थायी प्रहरी चौकीका इन्चार्ज सहायक निरीक्षक (असई) गोविन्द विक र जवान रामबहादुर साउदको तस्करले घेरा हाली हत्या गरेको खुलेको छ । घटनामा संलग्न रहेको आरोपमा पक्राउ परेका ७ जनालाई मंगलबार प्रहरीले सार्वजनिक गरेको छ । प्रहरीका अनुसार उनीहरूले हत्या गरेको स्विकारेका छन् । धनगढी उपमहानगरपालिका–१० का ३१ वर्षीय रोहित राना, २० वर्षीय राजेन्द्र राना, ३० वर्षीय सुरेश राना, २५ वर्षीय राजकुमार राना, २२ वर्षीय रामनिवास राना, २९ वर्षीय दलराम राना र वडा नम्बर ११ बस्ने २५ वर्षीय रामगोपाल रानालाई जिल्ला प्रहरी कार्यालय कैलालीले मंगलबार सार्वजनिक गरेको हो ।

मटरको दाल गोरुगाडामा राखेर नेपालबाट भारततर्फ अवैध रूपमा ओसार्दै गरेको अवस्थामा धनगढी नजिकै मोहना घाट नाकामा तस्कर समूहसँग शनिबार राति प्रहरीको जम्काभेट भएको थियो । रातको समय चोरी तस्करी नियन्त्रणकै लागि गस्तीमा खटिएका असई विक र जवान साउदले रोक्न खोजेपछि तस्करहरूले उनीहरूलाई घेरा हाले । त्यसपछि पछाडिबाट धारिलो हतियार प्रहार गरेर दुवैको हत्या गरेको अनुसन्धानबाट खुलेको जिल्ला प्रहरीका डीएसपी प्रतीक विष्टले बताए । ‘पछाडिबाट धारिलो हतियार प्रहार गरी ढालेपछि असईले आफूसँग रहेको पेस्तोल चलाउनै पाएनन्,’ उनले भने, ‘तस्करहरूले घरेलु हतियार प्रहार गरेर पहिले साउद र त्यसपछि असई विकको हत्या गरेका रहेछन् ।’ पक्राउ परेकामाथि ज्यानसम्बन्धी कसुरमा मुद्दा दर्ता गरिएको उनले बताए । थप व्यक्तिको समेत संलग्नता रहेकाले उनीहरूको पनि खोजी भइरहेको प्रहरीले जनाएको छ ।

प्रहरीका अनुसार दुवैको हत्यापछि राति नै उनीहरूले एक गोरुगाडा मटर भारतीय गाउँ सलियापार पु¥याएका र त्यहाँबाट फर्केर शवलाई नदीमा गाडेका थिए । भारतमा केही समययता मटरको माग बढेको छ । तस्करहरूले विभिन्न नाकाबाट भारततर्फ अवैध रूपमा मटर निकासी गर्ने गरेका छन् । शनिबार राति ११ बजेदेखि ती प्रहरी सम्पर्कविहीन थिए । खोजतलासका क्रममा प्रहरीले असई विकको शव आइतबार बिहान मोहना नदीभित्र फ्याँकिएको अवस्थामा फेला पारेको थियो । अर्का बेपत्ता जवान साउदको शव मंगलबार मोहना नदीको पानीभित्र बालुवामा गाडिएको अवस्थामा फेला प¥यो । ‘पक्राउ गरिएका एक अभियुक्तलाई घटनास्थल लगेपछि शव गाडिएको ठाउँ पहिचान गरिएको हो,’ एक प्रहरी अधिकृतले भने ।

तीन महिनाअघि सरुवा भएर जुगेडा चौकीमा खटिएका असई विक चोरी तस्करी नियन्त्रण गर्न सक्रिय रूपमा दिनरात खटिने गरेको उनका सहकर्मीहरू बताउँछन् । मोहना नदी वारपार गरी नेपाल र भारतबाट सामान तस्करी हुने गरेको छ । कञ्चनपुरको पुनर्वास नगरपालिका स्थायी घर भएका विक चार वर्षअघि नेपाल प्रहरीमा प्रवेश गरेका थिए । भूमिहीन परिवारमा जन्मिएका उनका श्रीमती, २ र ६ वर्षीया २ छोरी छन् । उनले ५ वर्षकै उमेरमा बुबा गुमाएका थिए । अर्का मृतक साउद अछामको बान्नीगढीजयगढ गाउँपालिका–५ का हुन् । कान्तिपुर दैनिकमा खवर छ ।

- Advertisement -

LEAVE A REPLY

Please enter your comment!
Please enter your name here

- Advertisement -

भर्खरै

क्रिकेटर सन्दीप लामिछानेलाई कोरोना संक्रमण

काठमाडाैँ,क्रिकेटर सन्दीप लामिछानेलाई कोरोना संक्रमण पुष्टी भएको छ। शनिबार बिहान सन्दीपले आफूलाई कोरोना संक्रमण पुष्टि भएको जानकारी दिएका हुन्। सामाजिक सञ्जाल मार्फत् उनले यो...

रुकुम पश्चिममा जन्ती बोकेको जीप दुर्घटना, ४ जनाको मृत्यु

रुकुम पश्चिम,जन्ती बोकेको जीप कच्ची सडकमा दुर्घटना हुँदा रुकुम पश्चिम आठबीसकोट नगरपालिका–७ पोखरामा चार जनाको मृत्यु भएको छ। आठबीसकोट–२ घारीखोलाबाट जन्ती लिएर आठबीसकोट–८ दाँजेतर्फ जाँदै...

सोती घटनाका अभियुक्तलाइ १ लाख धरौटीमा छोड्न अदालतकाे आदेश

रुकुम पश्चिम,उच्च अदालत सुर्खेतले रुकुम पश्चिमको चौरजहारी नगरपालिका–८ सोतीमा नवराज विकसहित छ जनाको ज्यान जाने गरी भएको घटनाका अभियुक्तमध्येका पाँच जनासँग जनही रु एक÷एक...

१ करोडमा नागढुंगा-कलंकी सडकखण्डमा सिसी क्यामरा जडान

काठमाडाैँ,नागढुंगा-कलंकी सडकखण्ड अन्तर्गत जडान गरिएको सिसी क्यामरा प्रहरीलाई हस्तान्तरण गरिएको छ। चन्द्रागिरि नगरपालिकाको आर्थिक सहयोगमा जडान भएका उच्च प्रविधिका सिसी क्यामराको आज उद्घाटन गरी...
- Advertisement -

यो पनि पढौँ

- Advertisement -