सुनको मूल्य प्रतितोला ८ सय रुपैयाँले घट्यो

काठमाडाैँ,  सुनको मूल्य आज तोलामा ८ सय रुपैयाँले घटेको छ । आज सुनको मूल्य तोलाको १ लाख २ हजार ३ सय रुपैयाँ तोकिएको छ ।

हिजो १ लाख ३ हजार १ सय रुपैयाँ थियो । अन्तर्राष्ट्रिय बजारमा नै सुनको मूल्य अस्थिर भइरहेकाले नेपाली बजारमा पनि घटबढ भइरहेको नेपाल सुन चाँदी व्यवसायी महासङ्घले जनाएको छ ।

यस्तै, आज चाँदीको मूल्य पनि घटेको छ । आज चाँदी तोलामा २० रुपैयाँले घटेर १ हजार ३ सय ६५ रुपैयाँमा कारोबार भइरहेको छ ।