सुनको मूल्य बढ्यो, चाँदी भने स्थिर

काठमाडाैँ, सुनको मूल्य आज पनि बढेको छ । हिजो तोलामा ५ सय रुपैयाँ बढेर एक लाख दुई हजार तीन सय रुपैयाँमा पुगेको सुनको भाउ आज फेरि तीन सय रुपैयाँले बढेको नेपाल सुन चाँदी व्यवसायी महासंघले जनाएको छ ।

महासंघका अनुसार सुनको मूल्य आज तोलामा एक लाख दुई हजार ६ सय रुपैयाँ तोकिएको छ ।

आज चाँदीको मूल्य भने स्थिर छ । चाँदी आज हिजोको जस्तै तोलामा एक हजार दुई सय ७० रुपैयाँमा कारोबार भइरहेको छ ।