सुनको मूल्य दुई सय रुपैयाँले घट्यो

काठमाडौं, सुनको भाउ आज दुई सय रुपैयाँले घटेको छ। नेपाल सुन चाँदी व्यवसायी महासंघका अनुसार आज सुन दुई सय रुपैयाँले घटेर प्रतितोला १ लाख १० हजार कायम भएको छ।तेजाबी सुन १ लाख ९ हजार ५०० रुपैयाँ तोकिएको छ।

अघिल्लो कारोबार दिन बिहीबार सुन ८ सय रुपैयाँले घटेर प्रतितोला १ लाख १० हजार २ सय रुपैयाँमा कारोबार भएको थियो।आज सुनको मूल्य घटेपनि चाँदीको भाउ बढेको छ। चाँदी ५ रुपैयाँले बढेर तोलाको १४४० रुपैयाँमा कारोबार भइरहेको महासंघले जनाएको छ।बुधबार प्रतितोला चाँदी १४३५ रुपैयाँमा कारोबार भएको थियो।