काठमाडाैँ, हिजो मूल्य बढेर नयाँ रेकर्ड कायम गरेको सुनको मूल्य आज फेरि बढेर अहिलेसम्मकै उच्च विन्दुमा पुगेको छ ।आज तोलामा ५ सय रुपैयाँले बढेर सुन तोलाको एक लाख १२ हजार ५ सय रुपैयाँमा पुगेको हो ।यो मूल्य अहिलेसम्मकै उच्च हो । हिजो सुनको मूल्य तोलामा एक लाख १२ हजार रुपैयाँ पुगेको थियो ।
आज फेरि तोलामा ५ सय रुपैयाँले बढेको नेपाल सुन चाँदी व्यवसायी महासंघले जनाएको छ ।सुनको मूल्य अझै बढ्ने सम्भावना रहेको महासंघले जनाएको छ ।यसअघि गएको वैशाख २१ गते सुनको भाउ तोलामा एक लाख ११ हजार ८ सय रुपैयाँमा पुगेको थियो ।
यस्तै, चाँदीको पनि आज मूल्य बढेको छ । आज चाँदी तोलामा एक हजार चार सय १० रुपैयाँमा कारोबार भइरहेको छ ।चाँदी हिजो तोलाको एक हजार तीन सय ९५ रुपैयाँ थियो ।
