चन्द्रागिरिमा गाडी दुर्घटना हुँदा दुई जनाको मृत्यु

काठमाडौँ,काठमाडौँको चन्द्रागिरि ४ को पानीघाटमाथि मारूती भेन दुर्घटना भएको छ । शुक्रबार भएको उक्त दुर्घटनामा दुई जनाको मृत्यु भएको हो ।

उनीहरुको घटना स्थलमै मृत्यु भएको प्रहरी परिसर काठमाडौँका डीएसपी अनिल अधिकारीले जानकारी दिए । वा१०च ३५४६ नम्बरको गाडी दुर्घटना हुँदा चालक २० वर्षीय नवराज ठोकर तामाङ र ४५ वर्षीय अनिल तामाङको मृत्यु भएको डीएसपी अधिकारीले बताए ।