spot_img

गठबन्धन दलभित्र द्वन्द्द बढ्दाे ओली,रवि र सुमनाविच भनाभनःकारण यस्ताे छ।

spot_img

काठमाडौँ,उपप्रधानमन्त्री तथा गृहमन्त्री रवि लामिछानेले शिक्षा, विज्ञान तथा प्रविधिमन्त्री सुमना श्रेष्ठ लक्षित नेकपा एमाले अध्यक्ष केपी शर्मा ओलीको टिप्पणीप्रति आपत्ति जनाएका छन् ।बुधबार काठमाडौँमा आयोजित एक कार्यक्रममा बोल्दै उनले शिक्षामन्त्री श्रेष्ठको अन्तरदेशीय विवाह लक्षित ओलीको टिप्पणीप्रति पार्टीले गम्भीर रूपमा आपत्ति जनाएको बताएका हुन् ।

उपप्रधानमन्त्री लामिछानेले प्रेम गर्ने, विवाह गर्ने भन्नेकुरा व्यक्तिको नितान्त व्यक्तिगत निर्णय भएको उल्लेख गर्दै त्यसलाई अरूले सम्मानबाहेक अरू केही गर्न नसक्ने जिकिर पनि गरे । कोसँग माया गर्ने, कोसँग विवाह गर्ने ? भन्नेकुरा व्यक्तिगत निर्णय भएकाले त्यसमा सम्मानबाहेक अरूले केही पनि गर्न नसक्ने उनको तर्क थियो ।

उपप्रधानमन्त्री लामिछानेले अन्तरजातीय विवाहका लागि कुनै बेला लडाईं गर्नुपरेको बताए । एमालेका अध्यक्ष केपी शर्मा ओलीप्रति लक्षित गर्दै उनले नेपाली समाजले अहिले अन्तरदेशीय विवाहको सामना गरिरहनुपरेको बताए । अन्तरदेशीय विवाह पितृ सत्तालाई मन नपरेको भन्दै कयौँ टिप्पणीहरू आइरहेको उनले बताए । अध्यक्ष ओलीले केही दिनअघि विदेशीसँग विवाह गरेर नेपाल घुम्न आउँदा मन्त्री बनेको भन्दै शिक्षा, विज्ञान तथा प्रविधिमन्त्री सुमना लक्षित टिप्पणी गरेका थिए ।

उपप्रधानमन्त्री लामिछानेले लैंगिक तथा यौनिक अल्पसंख्यक समुदायको विवाहको विषयलाई लिएर नकारात्मक टिप्पणी हुने गरेकोमा पनि आक्रोश व्यक्त गर्दै जीवन जिउन उनीहरूको इच्छा भएकाले त्यस अधिकारलाई सरकारले दिलाउने प्रतिबद्धता पनि व्यक्त गरे ।

उनले भने, ‘ पितृ सत्ताले गाँजेको यो समाजमा हिजो अन्तरजातीय विवाहका लागि लड्नुपर्ने थियो । आज देश विदेश फैलिएर अन्तरदेशीय विवाह पनि हुने गरेको छ । तर पितृ सत्तालाई यो मन परेको छैन । त्यसैले कयौँ टिप्पणीहरू आउने गरेका छन् । शिक्षामन्त्रीलाई लक्षित गरेर आएको टिप्पणीप्रति पनि हामीले गम्भीर आपत्ति जनाएका छौ ।’

उपप्रधानमन्त्री लामिछानेले लैगिक तथा यौनिक अल्पसंख्यक समुदायको विवाह सम्बन्धी अधिकार सुनिश्चित गराउनका लागि आफू लागिपर्ने पनि बताए ।

ओलीलाई सुमनाको जवाफःयो हाम्रो समय हो
शिक्षा, विज्ञान तथा प्रविधिमन्त्री सुमना श्रेष्ठले नेकपा एमालेका अध्यक्ष केपी शर्मा ओलीलाई जवाफ फर्काएकी छिन् । बुधबार सामाजिक सञ्जालमार्फत मन्त्री सुमनाले ओलीलाई यो आफूहरूको समय भएको र जुन जस्तो अवस्था भए पनि हरेक नागरिकको सम्मानको समय भएको जवाफ फर्काएकी हुन् ।अध्यक्ष ओलीले केही दिनअघि विदेशीसँग विवाह गरेर नेपाल घुम्न आउँदा मन्त्री बनेको भन्दै मन्त्री सुमना लक्षित टिप्पणी गरेका थिए ।

त्यसको जवाफमा उनले भनेकी छिन्,‘भन्नै पर्छ कि यो हाम्रो समय हो, जुन जस्तो अवस्था भए पनि हरेक नागरिकको सम्मानको समय हो । त्यसले ‘नेपाल जान्छु र केहि गर्छु’ भन्नेहरूलाई निरुत्साहित हुनबाट जोगाउँछ । देश कुनै अमुक नेताहरूको कैदमा मात्रै छ र उनीहरूको मर्जीबिना देशमा पात पनि हल्लिँदैन भन्ने धारणा फेरिन सक्छ । साँच्चै नै ब्रेन गेन हुन पुग्छ ।’

मन्त्री सुमनाले महिलालाई हेर्ने मानसिकता विकराल रहेको भन्दै झनै बढी प्रहार हुने गरेको उल्लेख गरेकी छिन् ।

spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img

भर्खरै

- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img

यो पनि पढौँ

- Advertisement -spot_img