राष्ट्रिय परीक्षा बोर्डले आज साँझ एसइईको नतिजा प्रकाशन गर्ने भएको छ। बोर्डका अध्यक्ष महाश्रम शर्माले केहीबेरमा बोर्ड बैठक बसेर नतिजा सार्वजनिक गर्ने तयारी भएको बताए।
‘नतिजा आज सार्वजनिक गर्ने तयारी भइसकेको छ, साँझसम्म नतिजा प्रकाशन हुन्छ,’ उनले भने।
२०८१ को एसईई परीक्षा ७ चैतदेखि सञ्चालन भएको थियो । परीक्षामा नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ गरी जम्मा ४ लाख ९९ हजार १८३ विद्यार्थी सहभागी भएको परीक्षा बोर्डले जनाएको छ ।