अर्घाखाँचीमा गाडी दुर्घटना, ९ जना घाइते

अर्घाखाँचीबाट बुटबल जाँदै गरेको गाडी दुर्घटना भएको छ ।छत्रगंजबाट बुटवलका लागि छुटेको लु१ज ५४५२ नम्बरको फोर्स गाडी अर्घाखाँचीकै छत्रदेव गाउँपालिका–५ डाँडाचौपारीमा दुर्घटना भएको हो ।

गाडी सडकमै पल्टिएको थियो । दुर्घटनामा ९ जना घाइते भएका छन् । उनीहरुलाई उद्धार गरी उपचारका लागि जिल्ला अस्पताल सन्धिखर्क पठाइएको प्रहरीले जनाएको छ ।

दुर्घटना भएको गाडी सडकमै छ । गाडि हटाएर सडक सञ्चालनका लागि प्रहरी टोली खटिएको छ ।