सुनको मूल्य तोलामा १४ सयले घट्यो

काठमाडौं, नेपाली बजारमा मंगलबार सुनको मूल्य १४ सय रुपैयाँले घटेको छ। नेपाल सुन चाँदी व्यवसायी महासंघका अनुसार आज १४ सय रुपैयाँले घटेर एक तोला सुनको मूल्य २ लाख ३८ हजार ३०० कायम भएको छ।

अघिल्लो दिन सोमबार एक तोला सुन २ लाख ३९ हजार ७०० रुपैयाँमा खरिदबिक्री भएको थियो।

यसैगरी सुनको मूल्य घटेसँगै चाँदीको भाउ पनि घटेको छ। आज एक तोला चाँदीको मूल्य ३ हजार १५ रुपैयाँ तोकिएको छ। अघिल्लो दिन सोमबार एक तोला चाँदी ३ हजार ६० रुपैयाँमा कारोबार भएको थियो।