आज (मङ्गलबार) नेपाल प्रिमियर लिग (एनपीएल) अन्तर्गत दुई खेल हुँदै छन् । त्रिवि क्रिकेट मैदानमा बिहान ११ः४५ बजे हुने पहिलो खेलमा चितवन राईनोज र कर्णाली याक्स भिड्नेछन् ।
त्यस्तै, दिउँसो ४ बजेबाट सुरु हुने दोस्रो खेलमा विराटनगर किङ्सले पोखरा एभेन्जर्ससँग खेल्नेछ । चारै टोली आजको खेलबाट प्रतियोगितामा राम्रो सुरुवात गर्ने लक्ष्यमा हुनेछन्।
सोमबारबाट सुरु भएको लिगमा काठमाण्डु गुर्खाजले साबिक विजेता जनकपुर बोल्ट्सलाई ५ विकेटले हराउँदै विजयी सुरुवात गरिसकेको छ । त्यो जितसँगै गुर्खाजले अङ्क तालिकामा दुई अङ्क जोडेको छ ।
नेपाल क्रिकेट सङ्घ (क्यान)को आयोजनामा यही मङ्सिर १ गतेदेखि सुरु प्रतियोगिताको फाइनल मङ्सिर २७ मा हुनेछ । प्रतियोगिताका विजेताले रु एक करोड १० लाख पाउने क्यानले जनाएको छ ।
