भिजिट भिसा प्रकरणःसहसचिव भट्टराईसँग अदालतले माग्यो २५ लाख धरौटी

भिजिट भिसा प्रकरणमा पक्राउ परेका विमानस्थल अध्यागमन कार्यालयका तत्कालीन सहसचिव तीर्थराज भट्टराईलाई २५ लाख धरौटीमा रिहा गर्न अदालतले आदेश दिएको छ ।शुक्रबार विशेषले उनलाई २५ लाख धरौटी बराबरको बैंक जमानत लिएर तारेखमा राख्न आदेश दिएको हो ।

विशेष अदालतका अध्यक्ष सुदर्शनदेव भट्ट र सदस्य नारायणप्रसाद पौडेलको इजलासले धरौटीको आदेश जारी गरेको हो ।तर, सोही इजलासका अर्का सदस्य डिल्लीराज श्रेष्ठले भने फरक राय राखेका छन् ।

उनले भट्टराईलाई पुर्पक्षका लागि थुनामा राख्नुपर्ने आदेश जारी गरेका हुन् ।