डाेल्पाली युवा प्रेमबहादुर बोहराको पहिलाे कृति ‘कोग्ले’ काे विमाेचन

काठमाडौं, डाेल्पाली युवा लेखक प्रेमबहादुर बाेहराले लेखेकाे पहिलाे कृति ‘कोग्ले’ काे विमाेचन भएकाे हाे । काठमाडौंमा शुक्रबार आयोजित विमाेचन कार्यक्रममा लेखक राधा पौडेल,राजनीतिज्ञ प्रशान्त सिंह, कवि प्रणिका कोयू र कृतिका लेखक प्रेमबहादुर बाेहराले कृति ‘कोग्ले’ सार्वजनिक गरे । कार्यक्रममा डाेल्पाबासी र पुस्तक प्रेमीहरूकाे बाक्लाे उपस्थिति रहेकाे थियाे ।

कार्यक्रममा बाेल्दै लेखक राधा पाैडेलले कृति उत्कृष्ट रहेकाे बताउनु भयाे । कृति पढेपछि कर्णाली र डाेल्पालाइ नजिकबाट जान्न पाइनुकाे साथै कर्णालीमा एक युवा लेखककाे संख्या बढेकाे भन्दै कृतिकाे तारिफ समेत गर्नुभयाे ।

 यस्तै लेखक  बोहराले संस्मरणात्मक कृति कोग्ले भित्र उनी हुर्कदै जाँदा बाल्यकालका रमाईला किस्सा, स्कुल पढ्नका लागि संघर्ष, एसएलसीपछि शहरमा रुमलिएकोमात्र होइन, शहरबाट हेर्दा देखिएको कर्णालीको चित्र र त्यो भित्रपनि उनले चिहाएको संसार र अर्थाएको कर्णाली पनि रहेकाे बताए ।

बाेहराले थपे “आफु, आफ्नो ठाउँ र आफु वरीपरीको कुराहरुलाई हेर्ने दृष्टि अर्थात नजरमा परिवर्तन ल्याउँदा कति फरक पर्दोरहेछ भन्ने थाहा अर्थात अनुभूतिको कथा हो । यो बाल्यकालमा उनले नपाएको अवसरको धोको फेर्न गरिएको प्रयासको कथा र भविष्यमा डोल्पा कस्तो हुन सक्छ भनि देखेको सपनाको दस्तावेज पनि हो ।”

डोल्पाको माझफालमा जन्मिएका प्रेमबहादुर बोहरा सामाजिक अभियन्ता हुन् । सन् २००८ देखि सामाजिक काममा संलग्न छन् । शिक्षा नेपालका संस्थापक, एक किताब, होप र समुन्नत कर्णाली अभियानका अभियन्ता उनी कर्णाली समाजका अध्यक्ष समेत हुन् । उनी पछिल्लो समय राजनीतिमा सक्रिय छन् । सांग्रीला बुक्सबाट प्रकाशित संस्मरणात्मक कृति कोग्ले बजारमा उपलब्ध छ ।