केपी ओली र रमेश लेखकलाई १०दिन थुनामा राखेर अनुसन्धान गर्न माग

काठमाडौँ, जिल्ला सरकारी वकिल कार्यालय काठमाडौँले पूर्वप्रधानमन्त्री केपी ओली र पूर्वगृहमन्त्री रमेश लेखकलाई दश दिन थुनामा राखेर अनुसन्धान गर्न माग गरेको छ।

आइतबार काठमाडौँ जिल्ला अदालतमा पहिलोपटक पेश गरिएका उनीहरूमाथि अनुसन्धान गर्न दश दिन माग गरेको हो।

तत्कालीन प्रधानमन्त्री ओली र गृहमन्त्री लेखकले जेनजी आन्दोलनका क्रममा ज्यान सम्बन्धी कसुर गरेको अभियोगमा प्रहरीले शनिबार बिहानै पक्राउ गरेको थियो।आइतबार लेखकलाई भौतिक रुपमा र ओलीलाई भर्चुअल रुपमा पेश गरिएको हो।