लकडाउनका कारण अलपत्र परेका ३ सय ५० बढी डाेल्पाली नागरिकको उद्दार

काठमाडाैँ,नेपालगञ्ज र सुर्खेतमा लकडाउनका कारण अलपत्र परेका डाेल्पाली नागरिकको उद्दार गरिएको छ । घर जान नपाएर नेपालगञ्ज र सुर्खेतमा अलपत्र परेका डाेल्पाका विभिन्न स्थानीय तहका झण्डै ३ सय ५० जनालाई उद्दार गरेर डाेल्पा पठाइएकाे कर्णाली प्रदेशका उद्योग पर्यटन वन तथा वातावरण मन्त्री नन्दसिंह बुढाले जानकारी दिनुभयाे । उनीहरूलाइ बुधबार नेपालगञ्जबाट ६ गाडिमा २ सय ५० भन्दा बढि र बिहीबार सुर्खेतबाट १ सय भन्दा बढिलाइ २ वटा गाडिमा राती डाेल्पा पठाइएकाे हाे । नागरिककाे उद्दारका लागि  कर्णाली प्रदेश सरकार,कर्णाली प्रदेशका उद्योग पर्यटन वन तथा वातावरण मन्त्री नन्दसिंह बुढा,प्रदेशकै सांसद विरवहादुर शाहिले गाडिकाे व्यवस्थापन सहित विशेष पहल गरेका थिए । सहजिकरण नेपालगञ्जमा ने.क.पा डाेल्पाका जिल्ला कमिटि सदस्य तथा युवा नेता बिमल पहाडीले गरेका थिए । सुर्खेतमा सहजिकरणकाे काम डाेल्पा -सुर्खेत सम्पर्क मन्चले गरेकाे मन्चका अध्यक्ष दिलिप कुमार सिँहले जानकारी दिए ।

औषधी उपचारका लागि नेपालगञ्ज र सुर्खेतमा आइ अलपत्र परेका, सुत्केरी, खर्च अभाव भएका विद्यार्थी, बालबालिका र जेष्ठ नागरिकलाई उद्दार गरी डाेल्पा पठाइएकाे मन्त्री बुढाले बताए ।  नागरिकहरुलाई  डाेल्पा पठाउँन लागेको यातायात खर्च प्रदेश सरकारले ब्यहाेर्ने समेत मन्त्री बुढाले जानकारी दिए । सरकारले उद्दार गरेर जिल्ला पठाएका नागरिकलाइ सम्वन्धित स्थानिय तहले सरकारी मापदण्ड अनुसार क्वारेन्टाइनमा राख्नेछन् ।