डाेल्पामा खानामा विष हालेर आफ्नै जेठानकाे ज्यानलिने ज्वाइ सहित ३ जना पक्राउ,के हुन्छ सजाय ?

       रूपक यात्री

डाेल्पा,जिल्ला प्रहरी कार्यलय डोल्पाले खानामा विष हालेर आफ्नै जेठानकाे ज्यानलिने ज्वाइ सहित ३ जनालाइ पक्राउ गरेकाे हाे । बिहिबार डाेल्पा प्रहरीले पत्रकार सम्मेलन गरेर घटनामा संलग्न ३ जना अभियुक्तहरूलाइ सार्वजनिक गरेकाे हाे । पक्राउ पर्नेमा  डाेल्पाकाे त्रिपुरासुन्दरी नगरपालीका वडा नं. १ रल्लीका बर्ष ३७ का धनबहादुर बुढा, वडा नं १ गल्लीका बर्ष ३० का जयबहादुर कठायत र वडा नं १ रल्ली कै बर्ष ३५ का ओम बहादुर शाही रहेकाे जिल्ला प्रहरी कार्यलय डोल्पाका प्रमुख डिएसपी नारायण रन्जीतकारले इमान्दार खवरलाइ जानकारी दिए ।

तस्वीर ः राताे मार्जिन भित्रका मृतकका ज्वाइ

के हाे घटना ?

गत जेष्ठ २ गते डाेल्पाकाे त्रिपुरासुन्दरी नगरपालिका वडा नम्वर १ स्थित रल्ली गाउँकाे जनजिवन अन्यदिन जस्तै सामान्य थियाे । सबैजना आःआफ्नै काममा व्यस्त थिए । बेलुकिपख खाना खाएर सुत्ने बेलामा गाउँमा एकाएक काेहल मच्चियाे । साेहि नगरपालिकाका स्थानिय बासीन्दा सुकलाल कुलालकाे घरमा रातकाे समयमा मच्चिएकाे हल्लाले सबैजना कुलालकाे घरमा जम्मा भए । खाना खाने वित्तिकै एकाएक सुकलाल कुलाल र उनका घरमा अन्य सदस्य रुपसी कुलाल र  बिन्दु कुलाल समेत बान्ता गर्न थाले । गाउँलले खानामा विष परेकाे भन्दै नजिकैकाे स्वास्थ्यचाैकिमा लगे । तर त्यहाँपनि उपचार सम्भव नभएपछि जिल्ला अस्पताल दुनै लगियाे । लगेकाे केहि घण्टामै बर्ष ३२ का सुकलाल कुलालको मृतु भयाे भने अन्य २ जनालाइ उपचारका लागि नेपालगञ्ज लगियाे । हाल रूपसी र बिन्दु कुलाल उपचार पछि नेपालगन्ज बाट घर फर्कीसकेका छन् ।

तस्वीर ः  मृतक सुकलाल कुलाल

प्रहरी अनुसन्धानबाट खुल्न आएका तथ्यहरू

घटनाकाे जानकारी पाउँनासाथ त्रिपुरासुन्दरी नगरपालिकामा रहेकाे प्रहरीचाैकीबाट प्रहरीकाे टाेलि घटनास्थलमा पुरेर अनुसन्धान सुरू गरेकाे थियाे ।  अनुसन्धानकै क्रममा जिल्ला प्रहरी कार्यालयबाट थप टाेलि परिचालित भइ अनुसन्धानले गती लिएकाे थियाे । फलस्वरूप घटनाकाे ३ दिनपछी अर्थात जेष्ठ ५ गते प्रहरीले घटनामा संलग्न रहेकाे आशंकामा ३ जनालाइ पक्राउ गर्याे । पक्राउ परेकाहरूलाइ जिल्ला प्रहरी कार्यालयमा राखि थप अनुसन्धानइ भइरहेकाे थियाे ।

• अनुसन्धानका क्रममा अभियुक्त मध्येका एक जना धनबहादुर बुढाले सुकलाल कुलालकाे घरमा पकाएकाे दालमा विष  हालेकाे स्वीकार गरे ।

• अर्का अभियुक्त जयबहादुर कठायतले विष बनबाट ल्याएको पनि स्वीकार गरेका छन्

• अर्का अभियुक्त ओमबहादुर शाहीले भने यस घटनामा आफु संगलग्न नरहेको बताए पनि अन्य दुई अभियुक्तहरुले भने ओम बहादुर शाहीले पैसा दिएर बिष हाल्न लगाएको बयान प्रहरी समक्ष दिएका छन् ।

• सुकलाल कुलालकाे किन मारे ? घटनाका अन्य तथ्यबारे अनुसन्धान भइरहेकाे जिल्ला प्रहरी कार्यलय डोल्पाका प्रमुख डिएसपी नारायण रन्जीतकारकाे भनाइ छ ।

• 

  तस्वीर ः  घटनामा प्रयाेग भएकाे विष

तस्वीर ः घटनामा संलग्न अभियुक्तहरूलाइ पत्रकार सम्मेन गरेर सार्वजनिक गरिदैँ

रल्लीगाउँ शाेकमा,त्रास भाेग्न बाध्य

सुकलाल कुलालकाे मृत्युपछि रल्लीगाउँनै शाेकमा डुबेकाे छ । स्थानियका अनुसार सुकलाल गाउँमा मिलनसार,सहयाेगि र मेहेनति व्यक्ति थिए । राजनीतिमा पाइला टेक्दै गरेका उनले जिल्लामा समेत राम्राे ख्याति कमाएका थिए । गाउँलेका अनुसार यस्ताे हाेला भनेर हामीले कहिल्यै कल्पना नगरेकाे बताउँछन् । यस्ताे घटना कहिल्यै भएकाे थिएन गाउँले भन्छन् हामी त त्रासमा बाँचिरहेका छाैँ । कति खेर के हुनेहाे थाहाँ छैन ।

पीडित भन्छन् दाेषीलाइ हदैसम्मकाे कारबाहि हाेस् 

मृतक सुकलालका भाइ बुदराम कुलालले एक निर्दाेष मान्छेकाे ज्यानलिने  दाेषाीलाइ हदैसम्मकाे कारबाहि हुनुपर्ने माग गरेका छन् । उनले भने दाइकाे मृत्युले घरपरिवार र बालबच्चाकाे बिचल्लि भएकाे छ घटनाकाे सत्यतथ्य छानविन गरि दाेषीलाइ आजिवन जेल सजाय हाेस् । उता सुकलालकाे मृत्यु भएपछि २ छाेरा र ३ छाेरीकाे बिचल्लि भएकाे छ ।

यस्ताे छ सजायकाे व्यवस्था

डिएसपी रन्जीतकारले भने अभियुक्तहरूलाइ ज्यान सम्वन्धि कसुर मुद्दामा १५ दिकाे म्याद थप गरेर अनुसन्धान भइरहेकाे छ । कसुर अनुसार जन्मकैदसम्मकाे सजाय हुने कानुनि व्यवस्था छ ।

विज्ञप्तिः