प्रदेश सरकारको महत्वपूर्ण योजनाको रुपमा रहेको भोजपुर– मानेभञ्याङ– वैकुण्ठे– यूँ २० किलोमिटर सडकको कालोपत्रेको काम झन्डै ३० प्रतिशत बढी सकिएको छ । लकडाउनको समयमा पनि कामलाई निरन्तर रुपमा सञ्चालन गरेर तोकिएको अवधिमा सक्ने लक्ष्य रहेको पूर्वाधार विकास कार्यालय भोजपुरले जनाएको छ । सडक निर्माणकाे जिम्मा युनाइटेड बिल्डर्स र सिद्दिशाहि जेवीले कम्पनिले लिएका छन् । काममा कुनै अवराेध नभए निर्धारित समयसिमा भित्रै काम सक्ने निर्माण कम्पनिकाे दावी छ ।
दक्षिणी क्षेत्रलाई सहज रुपमा सदरमुकाम सम्म जोड्नको लागि प्रदेश सरकारको रु। ५४ करोड लागतमा कालोपत्रे गर्ने लक्ष्यका साथ गत माघ महिनाबाट कामको थालनी गरिएको हो । कामलाई तोकिएको समयमा सम्पन्न गर्नको लागि लकडाउन तथा वर्षातको समय सुरु भएपनि निर्माणको काम तिव्रगतिमा भईरहेको पूर्वाधार विकास कार्यालय भोजपुरले जनाएको छ ।
